Sukses i shkollës “Rilindja” në Festivalin e Shkencës: Drejt finales kombëtare!

Më 31.03.2026 u mbyll me sukses faza e dytë e Festivalit të Shkencës në nivel të DRAP Durrës, një aktivitet i rëndësishëm që nxit dhe promovon mendimin shkencor, kreativitetin dhe shpirtin kërkues të nxënësve tanë.

Ky festival shërben si një platformë frymëzuese ku dija dhe inovacioni ndërthuren me imagjinatën, duke sjellë në vëmendje projekte cilësore dhe ide të reja që dëshmojnë potencialin e brezit të ri. Gjatë kësaj dite, patëm kënaqësinë të ndiqnim prezantimet e ekipeve nga 13 shkolla të DRAP Durrës, të cilat sollën 14 projekte interesante në fusha të ndryshme të shkencës.

Ky aktivitet nuk është thjesht një garë, por një festë e dijes dhe bashkëpunimit. Shprehim vlerësimin tonë për të gjitha ekipet pjesëmarrëse dhe u urojmë suksese 5 ekipeve fituese që do të përfaqësojnë DRAP Durrës në nivel kombëtar më 25 prill.

Urime dhe suksese në finalen e madhe!