Vizita në Qendrën Ditore të të Moshuarve Durrës!!

Sot, në Ditën e Rinisë, IREX Albania organizoi takimin e parë me të rinjtë pjesëmarrës të Projektit Youth RAP. Ky projekt është realizuar në bashkëpunim me organizatat mediatike Faktoje.al dhe Citizens Channel, me qëllim nxitjen e raportimit mediatik të të rinjve. Eventi mblodhi të rinj nga Tirana dhe Durrësi, të cilët gjatë këtij rrugëtimi kanë marrë njohuri të vlefshme përmes mentorimit të gazetarëve të Faktoje.al dhe Citizens Channel, por dhe nëpërmjet trajnimeve dhe sesioneve informuese të zhvilluara në kuadër të projektit. Në sesionin e parë të rinjtë ndanë përvojën e tyre me projektin, angazhimin me artikujt dhe videot e përgatitura dhe impaktin e feedback që ata kishin marrë nga puna e tyre e parë si gazetarë qytetarë. Më pas, Faktoje ndau përvojën dhe disa këshilla të mëtejshme për punën e të rinjve se si të bëhen verifikues të fakteve. Citizens Channel vijoi takimin mbi raportimin multimedial dhe një ushtrim praktik me të rinjtë, për ta mbyllur ditën dhe me dhënien e certifikatave të mirënjohjes për të rinjtë kontribues dhe të zotuar që morën pjesë në projekt. Të rinjtë pjesëmarrës patën mundësinë të prezantonin produktet e punimeve të tyre të përgatitura në kuadër të projektit. IREX Albania falenderon Faktoje.al dhe Citizens Channels për bashkëpunimin, arritjet dhe përkushtimin në punën me të rinjtë. Një falenderim të veçantë për CSDC Durrës dhe World Vision në përkrahjen e treguar për projektin, përkushtimin dhe punën e palodhur që bëjnë me të rinjtë. Përgëzojmë dhe falënderojmë të gjithë të rinjtë që u bënë pjesë përmes historive, lajmeve dhe informacioneve që përcollën nga komunitetet dhe qytetet e tyre përmes artikujve, fotove dhe videove.