“Të nderojmë baballarët e kombit!” – Një gërshetim i historisë dhe artit nga gjimnazi “Rilindja”

Nën drejtimin e mësueses së historisë, Xhoana Faja, në kuadër të kualifikimit profesional si “Mësues Specialist”, nxënësit e gjimnazit “Rilindja” realizuan një projekt të veçantë me fokus historik, kërkimor dhe artistik.

Me moton “Liria nuk dhurohet, ajo fitohet me gjak e sakrifica”, ky projekt iu kushtua figurave qendrore që kontribuan në rrugën drejt lirisë dhe shtetformimit shqiptar. Përmes hulumtimit dhe krijimtarisë, nxënësit eksploruan jetën e “Baballarëve të Kombit”, duke thelluar njohuritë historike dhe ndërgjegjësimin qytetar.

Projekti u finalizua me një galeri fotografike, një dokumentar dhe një broshurë të pasur me biografi, ese, poezi dhe reflektime, duke sjellë një ndërthurje të bukur mes historisë dhe artit. Jemi krenarë për punën serioze dhe përkushtimin e nxënësve tanë në nderim të historisë kombëtare!